Den ONA

De Nationale Büro fir Opnam ("Office national de l’accueil", ONA) gouf duerch d'Gesetz vum 4. Dezember 2019 gegrënnt. D'Bestëmmunge vun dësem Gesetz sinn den 1. Januar 2020 a Kraaft getrueden.

Missioune vum ONA

De Nationale Büro fir Opnam (ONA) ass eng Verwaltung, déi ënnert der Autoritéit vum Minister steet, deen Immigratioun an Asyl a sengen Attributiounen huet, an ass zoustänneg fir d’Organisatioun vun der Opnam vun DPIen (Demandeure fir internationale Schutz), souwéi fir d'Verwaltung vun Ënnerkonftsstrukturen, déi fir de provisoreschen Openthalt vun DPIen a Persoune mat Usproch op subsidiäre Schutz zur Verfügung gestallt ginn.

Den ONA schafft zesumme mat lokalen, staatlechen, europäeschen an internationalen Instanzen, fir dës Missioun duerchzeféieren.

Fräi Plazen

Fräi Plaze beim Nationale Büro fir Opnam (ONA) ginn um GovJobs Portal publizéiert. Wann Dir Iech beim ONA bewerbe wëllt, musst Dir dofir de GovJobs Portal benotzen. De Portal féiert Iech duerch d’Bewerbungsprozedur.